VOV4.M’nông: Trung Quốc lơ 12/4 mhe mbơh ntop wa Lưu Hiểu Minh, nŭih kan ntoh măt ơm bah Anh ƀư nŭih kan bah nơm mpeh nau kan ta Triều tiên. Tĭng nau mbơh tâm ntŭk nkoch mbơh nau bah N’gâng kan nchră nau Trung Quốc, wa Lưu Hiểu Minh mhe aơ hŏ ƀư nau kan mpeh Triều Tiên bah chính phủ Trung Quốc. Nau kan tơm bah wa Lư Hiểu Minh lah nŭih kơl an N’gâng kan nchră nau Trung Quốc đă ƀư rklaih ăp nau kan geh tât gôl dak Triều Tiên, mât nau kan tâm boh đah ăp ding geh tât, gay ƀư ân ueh nau kan ndâk njêng tâm nau ntrŭt dăng nau rklaih nau kan Triều Tiên geh tât chính trị. Chính phủ Trung Quốc ntơm ntop pă nau kan ƀư ăp nau kan bah Triều Tiên ntơm năm 2010. Wa Lưu Hiểu Minh lah nŭih tal 3 ƀư nau kan. Rơh êp aơ, nau kan tâm gôl dak Triều Tiên dôl geh nau duh tay jêh rnôk Triều Tiên ntơm nau pănh phao ŭnh ndrel ndŏ luh ăp nau ton lah duh rjăp rƀŏng tâm Mỹ./.

Nŭih rblang: H’Thi