VOV4.M’nông – Ntoh ngơi ta Rƀŭn nchră pơk sŏng dăng Kruanh n’gâng kan tâm rnglăp nchră nău ASEAN+3 đah ASEAN đah ăp dak kan ndrel Trung Quốc, Nhật Bản n’hanh Hàn Quốc, Kruanh nchră nău Trung Quốc Vương Nghị mbơh, Trung Quốc mbra n’hao pă vaccine gay ntop kơl ăp dak tâm rnôk chuh. Wa Vương Nghị an gĭt, tât aƀaơ, Trung Quốc lĕ pă an rlău 750 rkeh dĭng vaccine Covid-19 an ăp dak n’hanh mbra pă tay 110 rkeh dĭng an Trong ƀư gĭt đah vaccine Lam ntŭr neh (COVAX) tâm 4 khay tât, kơt pă tay 3 rmen đôlar ntop kơl lam ntŭr neh tâm 3 năm tât.

Nuĭh rblang: Y Sưng Phê Ja