VOV4.M’nông: Tâm rnôk kuăl điện thoại mhe aơ đah Kruanh N’gâng kan Công thương Nguyễn Hồng Diên đah Kruanh n’gâng kan tăch rgâl Trung Quốc Vương Văn Đoàn, Kruanh n’gâng kan Nguyễn Hồng Diên hŏ đă Trung Quốc pơk trong nơih ân ăp ntil ndơ tuch tăm, tui ka bah Việt Nam tăch tât Trung Quốc bah trong nkuăl n’har bri Việt-Trung, ngăn lah ăp ntil ndơ nchrăp geh klih pĕ kơt vải, nhãn, vai…Kruanh n’gâng kan tăch rgâl bah Trung Quốc Vương Văn Đào mbơh, mpeh Trung Quốc nkah đă ndrel mra n’hao nau rvăt ăp ntil ndơ tuch tăm, tui ka ueh kah bah Việt Nam. Mpeh Trung Quốc ndâk 10 ntŭk rgum play, 4 ntŭk rgum dnơ sa tâm ăp mpông đah Trung Quốc gay kơl rgum ndơ tuch tăm dôl tâm rnôk pĕ lih./.

Nŭih rblang: H’Thi