VOV4.M’nông – Jêh rlong lor bôk năp lvang 2 bôk năp đah nglai n’hao bah vaccine Covid-19 yor hãng Sinovac bah Trung Quốc nkra njêng mbơh mhe aơ an saơ, jêh rnôk chuh tay dĭng tal 3, chŏl rdâng tâm rnglăp lĕ hao bah 3-5 tơ̆. Rlong dơi ƀư đah Viện Uănh lah vaccine tâm Ntŭk uănh n’hanh njrăng n’gang chôt srê n’gor Giang Tô, dak Trung Quốc n’hanh Học viện Y tế Công cộng Đại học Phúc Đán, Công ty Sinovac n’hanh Ngih dak si Hoa Sơn ta Đại học Phúc Đán, ta nuĭh bah 18-59 năm deh lĕ chuh tŏng 2 nglai vaccine Covid-19 bah Sinovac. Tĭng nĕ, jêh rnôk chuh dĭng tal 3 jêh 28 nar tât 8 khay chuh dĭng tal 2, rnoh chŏl rdâng tâm rnglăp lĕ âk oi đah rnoh hao bah 3-5 tơ̆ tâm 28 nar jêh chuh dĭng tal 3 nkôp đah 28 nar jêh dĭng tal 2. Tâm ƀah đah dĭng tal 3 n’hanh tal 2 lơ ngai, rnoh hao âk.

Nŭih rblang: Y Sưng Phê Ja