VOV4.M’nông: Nŭih ntoh ngơi N’gâng kan nchră nau Trung Quốc Uông Văn Bân mbơh, Trung Quốc rnê prêh nau tă geh jêh tâm nchră ndrak nsiu Iran êp aơ yơn hôm ŭch ăp ding ân geh ăp nau kan ueh rjăp lơn gay rklaih ân rjăp ăp nau hôm nkol, Nŭih ntoh ngơi N’gâng kan nchră nau Trung Quốc lah rjăp, kan Mỹ rhuăt luh bah nau nchrăp, ƀư nchâp đă ngăn đah Iran lah nau ƀư duh jêrr ngăn ndrak nsiu Iran rnôk aơ. Ri ma, Trung Quốc đă Mỹ ân nsrŭng ăp nau kan mô ân êng đah Iran kŏ kơt lah ăp ding tal 3, tă bah nê Iran ăp nhoat ndâk tay nau kan bah nơm tâm nau nchrăp. Nau dun bah Trung Quốc geh ndŏ luh tâm rnôk Tổng thống Iran Hassan Rouhani mhe mbơh, ăp nau kan tơm mpeh Mỹ ndrel Iran hŏ geh rklaih ta Viên ndrel 2 ding knŭng hôm du đê̆ nau kan jê̆ dôl geh tâm nchră tay./.

Nŭih rblang: H’Thi