VOV4.M'nông: Nuĭh rnâng kan nuh srê dâk bôk năp Trung Quốc mhe mbơh njrăng lor  tơm nuh srê mhe ta nkual ƀon têh Trương Gia Giới nklăp klach rvê rlău tơm nuh srê ta Nam Kinh n'hanh mbra ƀư jêng nuh srê ntưp rêng lam dak. Kơp tât nar 01/08, tơm nuh srê Trương Gia Giới hŏ năl geh 18 nuĭh ntưp geh tât. Dŭt đêt 7 nkual ƀon têh ta 5 n'gor geh nuĭh ntưp geh tât Trương Gia Giới. Tơm nuh srê ta Trương Gia Giới dơi mĭn lah ntơm bah 4 nuĭh ntưp mô mpơl ji ta 1 jay mprơ ntoh lư ta aơ. Bah năp nê, rơh ntoh luh nuh srê Covid-19 mhe bah tơm nuh srê ta tach ndeh păr Nam Kinh, n'gor Giang Tô hŏ ntưp rêng tât 26 nkual ƀon têh êng ƀa ƀă ta Trung Quốc. Tât aƀaơ,  Nam Kinh mpeh bôk năp hŏ mât kân dơi nuh srê nơm geh trong ƀư ƀoi tĭng tơm luh, uănh năl mham n'hanh mpă wêl ngăch./.

Nuĭh rblang: Điểu Thân