Tâm trôm nău ƀư Ntô̆ n’hao Nuĭh ƀon lan Việt Nam 2024, kêng măng (13/10) ta Hà Nội, Trung ương Hội nông dân Việt Nam ƀư mâp măt 126 nuĭh ƀon lan Việt Nam blău ngăn n’hanh Hợp tác xã ntoh lư năm 2024 ta 63 n’gor, nkual ƀon têh ta lam dak.

Ntoh lư n’hanh djôt dơn ăp nău rgop bah ăp nuĭh ƀon lan gĭt blău ngăn n’hanh hợp tác xã ntoh lư năm 2024, Kruanh Trung ương Hội Nông dân Việt Nam Lương Quốc Đoàn mĭn lah, tâm rnôk lịch sử, nău ƀư tơm bah nuĭh ƀon lan, bah gưl nuĭh ƀon lan geh âk nău rgop dŭt n’hâm têh njrăng n’gang cách mạng, ndâk njêng n’hanh mât njrăng neh dak. Tâm di nău đă nău kan tâm rnôk, nu nău mhe, Kruanh Trung ương Hội nông dân Việt Nam Lương Quốc Đoàn mpŏng ŭch, nuĭh ƀon lan gĭt blău ngăn n’hanh hợp tác xã ntoh lư năm 2024 mât uĕh n’gâng tơm, leo lor, rêng hvi, nkoch nău rŏng tâm rlong tâm ăp ntrong leo ƀon lan n’hanh nău ndâk njêng thôn ƀon mhe.