“Ƀư ueh lơn tay mpeh nau dơi ndrel nau geh rđil tâm nau kan tuch tăm ndrel Hun hao ƀon lan đah Việt Nam ndrel Hàn Quốc” lah nkô̆ nau tơm bah rơh tâm nchră ‘Nau rƀŏng uănh tâm boh Việt Nam-Hàn Quốc tâm nau kan tuch tăm ndrel hun hao ƀon lan 2024-2030 yor N’gâng kan tuch tăm ndrel Hun hao ƀon lan tâm rgop nsum đah Ntŭk kan tâm boh nau kan lam ntur neh Hàn Quốc (Coika) ƀư ôi 18/3 ta Hà Nội.

Ndơn mpeh nau geh dơi ndrel trong rƀŏng tâm boh đah 2 ding tât năm 2030, ăp nau tâm nchră ndrel nchră ăp nau geh dơi rđil đah ăp nau âk ntil ăp nau kan tâm boh ntuh kơl.

Tâm nau kan tuch tăm, tâm boh đah 2 dak rgum tâm nau ntrơn jao nau kan mpeh hun hao tơm dak si sinh học, ăp ntil byăp prêh ueh, nau kan tăm sêt sa, sêt dak si, ê nkra ndơ sa kloh ueh, hun hao tơm sa play, hun hao nau kan tuch tăm, dŏng nau kan mhe 4.0 tâm nau kan tuch tăm ndrel ntrŭt dăng nau kan tăch rgâl ndơ tuch tăm lah nau dăng bah ăp dak. Tĭng N’gâng kan Tuch tăm ndrel Hun hao ƀon lan Lê Minh hoan, tâm boh nau kan tuch tăm đah Việt Nam ndrel Hàn Quốc hôm âk nau dơi gay hun hao. Hàn Quốc lah dak geh jâng văng sa ueh, ntil tơm tăm âk, lah neh dak geh dơi dăng tâm nau kơt tĭng nau kan prêh mhe tâm nau kan tuch tăm ndrel ê nkra ndơ tuch tăm ma Việt Nam ŭch tâm boh tâm rơh tât./.