N’gâng kan tuch tăm ndrel Hun hao ƀon lan Dak Lak mhe ƀư “Rƀŭn ntrŭnh ntŭk kan tăm sầu riêng năm 2024”. Dak Lak lah n’gor tăm sầu riêng âk ngăn rđil lam dak, đah rlau 32.700 ha. Lam n’gor hŏ geh 23 ntŭk tâl dŭng ndrel 68 nkuăl tăm, đah rnoh rlau 2.500 ha hŏ geh mpeh Trung Quốc pă mrô nkuăl tăm kơl an tăch luh. Nchrăp năm 2024, rnoh geh sầu riêng bah Dak Lak geh rlau 300 rbăn tấn.

Êp ăp nau geh dơi tâm nau kan tuch tăm, ntŭk kan sầu riêng Dak Lak kŏ geh âk nau ê dơi, kơl nkuăl tăm tâm nkah, mô geh tâm rgop tăm, rvăt, nkra, mât prăk ndrel tăch; ê geh kơt tĭng rjăp nau ntrŭnh uănh năl kloh ma dak rvăt lăp ŭch. Gay tŏng dơi nau ŭch tăch luh, ăp ntoh măt đă du đê̆ nau kan, kơt: N’hao lơn tay nau mât, tuch tăm bah du đê̆ ntŭk kan nsum, rmôt kan; Mât ueh mrô nkuăl tăm, n’hao nau nkoch trêng n’hao nau gĭt bah nŭih ƀon lan mpeh nau geh dơi bah nau nâp tă bah tơm./.