Tâm 2 nar 6 n’hanh 7/8, n’gor Dak Lak hŏ ƀư uănh năl tâm pă ntil ndơ OCOP (Bôk nău  kan ăp xã du ntil ndơ) rơh 2. Hŏ geh tay 14 ndơ dơi uănh năl di rnoh kah uĕh 4 sao, n’hao lĕ rngôch ndơ OCOP bah Dak  Lak hao tât 254. 

14 ndơ di rnoh kah uĕh 4 sao gưl n’gor lah: Socola găr macca, Rnih môi cacao bah công ty Nam Trường Sơn (nkuâl Krông Ana); găr macca đang ntô, găr macca, săk macca sầu riêng, sầu riêng pâr bah công ty Macca Đắk Lắk (Thị xã Buôn Hồ); ăp ndơ geh ƀư bah rsân rlêng bah công ty Thành Dung (nkuâl Krông Pắc) n’hanh sầu riêng DONA kât nđik bah Hợp tác xã Nông nghiệp xanh Krông Pắc. UBND n’gor Dak  Lak an gĭt, bôk nău kan OCOP dôl nar lơn ma wăch âk ƀon lan, doanh nghiệp, hợp tác xã râng,  njêng suan ntrôl an wăng sa ta thôn ƀon  hun hao dăng, rgop n’hao rnoh khlay ndơ kah khlay tĭng nkual, n’hao nău geh wăng sa an ƀon lan kan lŏ mir.