Nchrăp tâm yan klih cà phê, UBND n’gor Dak Lak mhe ntrŭnh ƀư nau rđau kan gay ma đăp mpăn nau kan ê nkra, tăch rgâl, ê nkra drel leo tăch cà phê tâm yan klih năm 2023-2024 geh nau dơi prêh. Tĭng nê, UBND, n’gor Dak Lak đă ăp ntŭk kan, êng nŭih ƀư nau kan ê nkra, tăch rgâl cà phê tâm nkuăl ndâk nau nchrăp ndrel n’hao nau mât ân rjăp rnoh neh cà phê tât yan klih.

N’hao nau kan nkoch trêng, bonh đă ăp ntŭk kan, êng nŭih mô dơi klih cà phê ndrih, đăp mpăn ân rnoh cà phê geh dŭm rnôk geh rlau 85$ 9lah tâm dŭt yan, rnoh play dŭm geh 80%). Nkre lah, geh nau kan rklaih ân rjăp đah ăp nŭih klih, tăch rvăt cà phê hôm ndrih, ntĭm mbơh nŭih ƀon lan ntŭk gay ma ih kro, máy pâr kro gay ma rnôk klih mâp mih jŏ jong khuch tât rnoh geh bah cà phê./.