N’gâng kan tuch tăm ndrel hun hao ƀon lan n’gor Dak Lak mhe ntrŭnh nau mpeh nau kan mêt uănh ăp nkuăl, ntŭk tâl dŭng ndơ tă bah play sầu rêng geh pă rnoh mrô tăch luh tâm n’gor năm 2024. Tĭng nê, tâm 9 khay ndrel 12 khay, rmôt kan mêt uănh bah N’gâng kan tuch tăm ndrel hun hao ƀon lan n’gor Dak Lak mra ƀư mêt uănh ndal tâm ntŭk pah kan ndrel mêt uănh ngăn tâm ăp nkuăl tăm, ntŭk tâl dŭng kơl an nau kan tăch luh dak ba dih hŏ geh pă, ân ƀư rnoh mrô tăm, ntŭk kan ê kra, tăch rgâl play sa (sầu riêng) tâm nau dơi mât kan Ngih dak tâm lam n’gor.

Ntŭk geh mêt uănh lah ăp ntŭk kan, êng nŭih geh bu kơp dơn lah tơm mro ăp nkuăl tăm sầu riêng. Tât rnôk aơ, N’gâng kan Hải quan Trung Quốc hŏ pă 68 mrô nkuăl tăm sầu riêng đah rnoh geh rlau 2.500 ha ndrel pă mrô tâl dŭng ân 23 ntŭk tâl dŭng tâm n’gor Dak Lak. Tĭng n’gâng kan tuch tăm ndrel hun hao ƀon lan bah n’gor, nau kan mêt uănh aơ mra rgop nau n’hao nau dơi ƀư nâp nau kan bah ăp ding tâm nau kan ndâk ntŭk kan tăm, tăch sầu riêng ân geh nâp nâl./.