Jrô kan tuch tăm n’hanh hun hao ƀon lan nkuâl Cư Mgar, n’gor Dak Lak dôl kan nsum đah ăp n’gâng kan ta ntŭk nchih rgum rnoh tơm sầu riêng bah nuĭh ƀon lan  geh roh huach tă bah sial lơh tâm kêng măng 6/7 n’hanh joi trong rƀŏng ntop kơl.  Rơh sial rvănh brông lơh kêng măng 6/7 hŏ lơh hang rhiăng tơm sầu riêng dôl  tâm khay lăp klêh ta nkuâl Cư Mgar, n’gor Dak Lak geh rôk tơm, chôt pă lơh roh huach prăk rmen.

Âk ƀon lan kan lŏ mir ji uh nuih n’hâm roh ndơ. Lôch sial lơh, nuĭh ƀon lan dơn gĭt rgum play sầu riêng nse jêng tĭng mbŭch dơm, rdeng jăng. Hôm rnoh sầu riêng hŏ dŭm geh rŭng dơi tâm pă ntil gay tăch đah rnoh khlay 10.000 prăk/kg gay ntêr ntop. Jrô kan tuch tăm n’hanh hun hao ƀon lan nkuâl Cư M'gar hŏ kan nsum đah  n’gâng kan ăp xã ta nkuâl rƀah gĭt nô nău, nchih rgum roh huach gay ơm geh trong ntop kơl ƀon lan rdâk tay ăp tơm sầu riêng geh chôt nkêng gay kơl rnoh play hôm geh kơn ta tơm.