6 khay bôk năm aơ, n’gor Dak Lak geh hao jêng wăng sa 4,13%, mô kơt nău mpŏng kâp mât uĕh nău geh têh dăng bah n’gor. Aơ lah nău mbơh ta rơh rƀŭn ăp rơh bah UBND n’gor Dak lak ƀư ôi 16/7. Bôl dơi geh ăp săk rnglăy uĕh, yơn rnoh hao jêng wăng sa bah n’gor Dak Lak tâm 6 khay bôk năm mô geh kơt nău n’gluh an, sŏk prăk dŏng neh geh đêt, khuch tât nău mbơh ƀư ăp nău nchrăp ƀư ntuh kơl tâm ban tơm prăk n’gor.

Nău ƀư nkra njêng tăch rgâl bah doanh nghiệp hôm e mâp âk jêr jŏt, rnoh doanh nghiệp rlu kan n’hanh rlu pah kan hao âk nkôp đah rơh aơ năm 2023. Wa Nguyễn Tuấn Hà, Groi kruanh rnâng kan UBND n’gor Dak Lak an lah, tâm 6 khay dŭt năm, n’gor mĭn lah mbra rdâng đah mô đêt jêr jŏt rnôk nsum mpôl doanh nghiệp rdâk hao mbrơi; trôk nar, nu8h srê geh jêr jŏt joi đă ăp gưl nău kan an nsrôih ƀư mhe dơi geh ăp nău rƀŏng wăng sa rêh jêng bah lĕ năm 2024.