Bôl trôk nar rnôk aơ mô hŏ di hô bah yan wai, yơn n’glău Đan Kia-Suối Vàng bah dâng jâng yôk Langbiang, ntŭk pă dak dŏng khlay an nkual ƀon têh Đà Lạt (Lâm Đồng) lĕ geh tâm nău kroh. Nău mbơh yan duh phang hô geh ta nkual yôk Lâm Viên.

Trôk nar duh phang jŏ jong âk khay bah năp ƀư rnoh dak bah n’glău Đan Kia-Suối Vàng geh kroh hô, ƀư du nkual têh hvi bah n’glău kroh, neh bŏk đang bah lơ tu dak.

Mô knŭng tâm di nău ŭch tŏ djrah an tơm tăm tâm nkual, Hồ Đan Kia-Suối Vàng hôm lah ntŭk pă tu dak khlay rhŏ an nău ŭch dŏng an nkual ƀon têh Đà Lạt n’hanh du gâl bah nkuăl Lạc Dương. Yơn lah, aƀaơ rnoh dak bah n’glău lĕ kroh, êp ta rnoh dak khĭt n’hanh mbơh njrăng, geh mô tŏng dak dŏng ta ntŭk tâm khay tât. UBND n’gor Lâm Đồng an gĭt, bah năp nu nău hô bah duh phang, n’gor lĕ ntĭm rđău ăp ntŭk, ntŭk kan geh tât rgum ăp trong njrăng n’gang.