“Hun hao Tây Nguyên an tâm pă dŏng tu dak tâm di”, aơ lah nău rgop dơi lah rjăp ta Rgum nchră khoa học “Dak đah nău rêh n’hanh kon nuĭh Tây Nguyên” Yor Hội Địa chất thủy văn Việt Nam tâm rgop đah ăp ngih pah kan geh tât ƀư tâm lơ 12/1, ta nkual ƀon têh Buôn Ma Thuột, n’gor Dak Lak. Tĭng uănh lah nsum bah ăp nuĭh khoa học, dak ta Tây Nguyên dŭt âk.

Yơn lah, yor nău geh êng bah ntŭk ntô, ndrel đah ăp nău rgâl trôk nar, hao âk rnoh nuĭh, nău wât dŏng dak mô hŏ âk dôl khuch mô jêt tât rnă njrăng tu dak ta Tây Nguyên. Ta rgum nchră, ăp đại biểu lĕ rgum tâm nchră du đêt nău geh tât ăp ntŭl rlong, trong joi dŏng, mât uănh n’hanh hun hao dak rhŏ an hun hao wăng sa, văn hóa, pâl nđaih Tây Nguyên nâp nâl. Ta rgum nchră, ăp đại biểu lĕ tâm rgâl mpeh ăp nău geh, nău dơi dŏng bah ăp n’glău dak, dak duh gay hun hao wăng sa-pâl nđaih hăn ndrel đah nău văn hóa ăp rnoi nuĭh Tây Nguyên.