Đah săk rnglăy wăng sa uĕh n’hanh mbơh ntĭm, ntop kơl ngăch bah ƀon lan, rnoh neh tơm sa play bah n’gor Kon Tum dơi pơk hvi ngăch. Tât aƀaơ rnoh neh tơm sa play bah n’gor Kon Tum lĕ geh rlău 14.000 ha, hao rlău 10.500 ha nkôp đah rnoh năm 2020. Kơt nê n’gor Kon Tum lĕ tât ơm rlău 1 năm n’hanh rlău 4.000 ha nkôp đah nău rƀŏng n’gluh an tât năm 2025.

Gay ăp năm hun hao nklăp 3.000 ha tơm sa play, 3 năm bah năp, n’gor Kon Tum ntrôl dăng mbơh ntĭm, ntop kơl ngăch mpeh ntil, prăk, kỹ thuật an nuĭh ƀon lan. Ndrel đah nĕ ƀư tĭng săk rnglăy nău ntrŭnh nkra rgâl mir mô jêng an tăm tơm sa play, ngăn lah ta nkual rnoi mpôl đêt. Tât aƀaơ n’gor Kon Tum lĕ ndâk ƀư geh 25 mrô nkual tăm, tâm nĕ geh 18 mrô nkual tăm tăch n’gluh n’hanh 7 mrô tăch tâm dak đah dĭng lĕ rnoh neh bơi 400 ha tơm sa play.