Tât râng rơh tâm rlong geh 48 nău mĭn, tâm nĕ geh 28 nău mĭn tât râng rơh tâm rlong ntơm nău kan gâl n’gor, 20 nău mĭn kan tât râng gâl trung ương. Đah nău nchrăp kan pah kan jan sa, ƀư ăp ntil tơm tăm, play sa, biăp bum n’hanh tơm dak si kloh ueh ta Kon Tum, nău nchrăp kan bâh yuh Nguyễn Thị Minh Ngọc, Hội Liên hiệp bu ur xã Đăk Hring, nkuăl Đăk Hà geh giải ngoăy rơh tâm rlong. Rnâng kan leo kan lĕ geh pă 1 giải 2,2 giải pe n’hanh 6 giải khuyến khích an ăp nău kan ntơm njêng nău kan geh âk nău dơi. Gay ma ƀư tĭng ăp nău mĭn kan, nău nchrăp kan bâh ntŭk kan ndrel, Hội Liên hiệp bu ur n’gor Kon Tum lĕ dăn đă Ngân hàng chính sách xã hội kơl an 28 nău mĭn kan geh gĭt dăch đah rnoh manh đah lĕ rnoh prăk 7 rmen prăk.