N’gor Kon Tum dôl pơk hvi tay nkual tăm tao geh 900 ha, n’hao dĭng lĕ rnoh neh tao bah n’gor hao rlău 2.100ha. Tĭng nĕ tâm năm 2023-2024, n’gor Kon Tum pơk hvi tay bơi 900 ha tao n’hao dĭng lĕ nkual tăm tao bah n’gor hao rlău 2.100 ha, hao rlău 130ha nkôp đah nău rƀŏng n’gluh an. Rnoh neh pơk hvi tay tâm năm tât rgum âk ta ăp nkuăl: Kon Plông, Sà Thầy, Đăk Tô, Kon Rẫy, Đăk Hà n’hanh nkual ƀon têh Kon Tum.

Yan năm aơ n’gor Kon Tum geh rlău 1.200 ha tao, rgum âk ta nkual ƀon têh Kon Tum đah bơi 1.000 ha, rnoh neh ƀa ƀă ta ăp nkuăl: Đăk Tô, Sa Thầy, Kon Rẫy, Đăk Hà, Ia HDrai n’hanh Kon Plông. Aƀaơ lĕ rngôch rnoh neh tao bah ƀon lan Kon Tum dơi Công ty Cổ phần Sĭt Kon Tum ký ton tâm rgop, ntop kơl nkra njêng n’hanh mât ton rnoh khlay rwăt đăp mpăn an nuĭh ƀon lan geh prăk. Săk geh tao rĭng bah n’gor Kon Tum aƀaơ geh nklăp 73 tấn/ha n’hanh âk nkual yor neh uĕh, mât chăm di kỹ thuật săk geh tao bah 100-120 tấn/ha.