Đah nkô̆ “Ndrel droh rklaih jêr jŏt, ntop kơl ƀon lan kan lŏ mir ntrŭt ntrôl hun hao wăng sa tuch tăm mât rong, thôn ƀon ngăch n’hanh nâp dăng”, kêng măng 11/11, Kruanh UBND n’gor Kon Tum Lê Ngọc Tuấn hŏ tâm dâl nău đah 500 đại biểu lah cán bộ, hội viên ƀon lan kan lŏ mir tâm n’gor.

Ta rơh tâm dâl nău, bar pe tơ̆ nău rgop bah cán bộ, hội viên ƀon lan kan lŏ mir njuăl tât Kruanh UBND n’gor Kon Tum rgum tâm 7 trong kan tơm, lah: ntop kơl tăch ndơ tuch tăm; ntop kơl tơm prăk; tuch tăm mât rong; ntuh kơl ndơ dŏng; trong kơl đah cán bộ, hội viên ƀon lan kan lŏ mir; ƀư siƀŭt n’hanh ntop kơl khoa học kỹ thuật, ntĭm nti nău kan.

Đah ăp nkô̆ nău ne nê̆, kơt: tăch ndơ tuch tăm, ndơ cheh tanh; rnoh khlay ndơ mât rong, phân poh hao khlay khuch tât nău kan… ntơh măt ăp n’gâng kan dơi kan bah n’gor Kon Tum hŏ ơh na nê̆, nkre ntĭm nti hội viên ƀon lan kan lŏ mir tât đah trong kơl n’hanh ntil, phân poh, kỹ thuật ntrŭt ntrôl tuch tăm hun hao. Tĭng kruanh UBND n’gor Kon Tum Lê Ngọc Tuấn, lôch tâm dâl nău n’gor mbra rgum tĭng ƀư du đêt rmôt trong nkra gay droh rklaih jêr jŏt, ntop kơl ƀon lan kan lŏ mir ntrŭt ntrôl hun hao wăng sa tuch tăm, thôn ƀon ngăch  n’hanh nâp dăng./.