UBND n’gor Lâm Đồng mhe pă nau kơp dơn OCOP geh nau dơi 4 sao ân 21 ntil ndơ, n’hao rnoh ndơ geh tŏng nau dơi OCOP tâm n’gor hao bơi tât 400. Tâm rnoh aơ, geh 9 ntil ndơ geh 5 sao ndrel 92 ntil ndơ 4 sao. Aơ lah ăp ntil ndơ tuch tăm ntoh lư bah ăp ntŭk kan, rmôt kan ndrel tâm boh nau kan nsum bah n’gor. Gay n’hao nau săk tam bah nau kan OCOP, ndrel ma nau n’hao nau kơl an ƀon lan tăm tĭng nau nâp, rnoh geh ndơ tuch tăm, Lâm Đồng hôm ntrŭt đă ƀon lan tâm rgop ma ntŭk kan ê nkra, rvăt ndơ bah ƀon lan ndrel ntŭk kan tăch rgâl.

Êng nê, n’gor hôm kơl an âk rmen prăk gay in dŭng, QR code, ndâk ndrel đăng kí săk ntơm, kơl an ndơ dŏng, máy móc, dŏng khoa học nau kan mhe, ƀư jêh nau kan ê nkra, ƀư ntĭm nti n’hao nau blau tâm nau mât...ân ăp ntŭk, ăp nŭih. Rnôk aơ, Lâm Đồng dôl lŏ kơl an ntŭk kan, rmôt tâm boh nau kan tâm lam nkuăl ndâk ăp nau dơi tŏng gay ma rƀŏng tât nau geh kơp dơn âk jêt ndơ geh tŏng nau dơi OCOP tâm năm aơ./.