Tâm rgop 5 bah nău nchrăp ƀư ntung trong ntop kơl hợp tác xã hun hao nkual tăm cà phê uĕh kah âk ta nkual Tây Nguyên geh: Ndâk ƀư trong thôn ƀon boăt nthoi nkual tăm ta Gia Lai, Dak Lak; Ndâk ƀư mhe 3 jay n’gâr prăp cà phê an 3 hợp tác xã ta n’gor Dak Lak, dĭng lĕ rnoh neh rlău 100m2. Ndâk ƀư mhe 2 jay prăp ndơ tâm rgop jay mpla nsơ ndơ cà phê an hợp tác xã ta n’gor Gia Lai-Dak Lak đah rnoh neh 158 m3/du jay.

Dĭng lĕ rnoh ntuh kơl tâm rgop 5 nklăp 80 rmen prăk. Nău ŭch ntuh kơl gay jêng nkual nkra njêng ndơ cà phê têh ndoh ndơ rgum, mhe, gay ntrôl ngăch, săk rnglăy n’hanh nâp nâl tâm rnôk ƀư tay nău kan lŏ mir, ndâk ƀư thôn ƀon mhe bah n’gor Gia Lai, Dak Lak; hun hao n’hao ƀư tơm, săk rnglăy nău kan bah hợp tác xã lŏ mir tâm nău khlay cà phê rhŏ an nkret njêng n’hanh tăch n’gluh; n’hao nău geh rgop rgâl nău rêh bah nuĭh ƀon lan ta ntŭk.