Mô hŏ geh trong ntĭm nti na nê̆ tâm nău an manh măt dak, jŏ năm an manh geh ntruch hŭch đêt tâm 3 năm, nê lah ăp nkô̆ ƀư jêng 2/3 rnoh neh măt dak ta n’gor Dak Lak (bơi 30 rbăn ha) mô hŏ dơi n’glăp mât tui ka. Dak Lak aƀaơ geh lĕ rngôch rnoh hvi neh mât tui ka hao tât 42 rbăn ha, geh rlău 700 n’glău dak bât n’hanh nklăp 32 rbăn ha neh măt dak. Aơ lah nha hôm geh lhoi gay Dak Lak mât dŏng, hun hao wăng sa  mât tui ka.

Yơn lah, I ngăn, n’gor dja mhe geh 15.000 ha dơi n’glăp  mât tui ka dơm, âk 30% lĕ rngôch rnoh hvi neh. Tâm nê, rnoh hvi neh  mât tui ka ta ăp n’glău dak bât mhe geh 8.000ha dơm. Tĭng wa Trịnh Bá Sơn, Groi Chi cục Thủy sản n’gor Dak Lak, nkô̆ jêng tât nău  mât tui ka mô hŏ rơ̆  jêng tâm di đah tơm geh bah n’gor, du gâl tă bah mô hŏ geh trong ntĭm nti na nê̆ tâm nău jao an manh măt dak; du gâl tă bah ăp quy định bah Nghị định 67 rnôk ntruch an đêt năm manh ăp n’glău dak bât gay  mât tui ka dơn hôm jŏ 3 năm dơm./.