Aơ lah nău mbơh dơi N’gâng kan Tuch tăm mât rong n’hanh ntŭk ntô gŭ ân n’hanh N’gâng kan Công an ndơ̆ ta Rƀŭn nchră mbơh ƀư trong kan wĕ, ƀư samƀŭt rup neh, dăn ƀư neh ntu, ƀư samƀŭt rhăch nău neh n’hanh jêh ntŭk dữ liệu ngih dak mpeh neh ntu ta Hà Nội.

Tĭng nău mbơh bah N’gâng kan tuch tăm mât rong n’hanh Ntŭk ntô gŭ âm, pah kan 90 nar măng ƀư ndrŏng, ƀư kloh ntŭk dữ liệu ngih dak mpeh neh ntu dơi N’gâng kan Tuch tăm mât rong n’hanh ntŭk ntô gŭ âm n’hanh N’gâng kan Công an mbơh bah 1/9-30/11/2025 lĕ rĭng n’hanh ƀư kloh geh rlău 62,49 rkeh lôk ta lam dak. Aơ lah ntŭk dữ liệu “di, tŏng, kloh, rêh” gay rhŏ an rgâl mrô n’hanh mât uĕh neh ntu săk rnglăy. Kruanh N’gâng kan Tuch tăm mât rong n’hanh Ntŭk ntô gŭ âm Trần Đức Thắng an lah, nău mbơh ƀư trong kan wĕ, ƀư samƀŭt rup neh, dăn ƀư neh n’hanh jêh ntŭk dữ liệu neh lah nău kan chính trị khlay tâm rgâl mrô ngih dak, lơn lah tâm ntil nău mât uănh neh ntu.