UBND n’gor Gia Lai mhe an Nău ntrŭnh an rgâl nău ŭch dŏng rlău 3,16 ha bri ta xă Ia Mơr gay mbơh nău nchrăp ƀư trong rbông sor ndơ ƀư dak bât Ia Mơr.

Aơ dơi uănh lah njoăt hăn khlay gay dôh rơih jêr jŏt, n’hao săk rnglăy dŏng n’glău n’gâr dak Ia Mơr-ndơ dak bât geh rnoh têh ngăn nkual Tây Nguyên. Nău nchrăp ƀư yor Ban Mât uănh ntuh kơl n’hanh ndâk ƀư dak bât 7 ƀư tơm ntuh kơl.

Samƀŭt rhăch nău rgâl nău ŭch dŏng bri lĕ dơi ƀư tĭng nău ntrŭnh bah Luật Lâm nghiệp n’hanh ăp nghị định geh tât; nkre nuĭh tơm ntuh kơl lĕ jêh nău kan ndơ̆ prăk tăm bri rgâl tĭng nău ntrŭnh.

Nău ơm jêh trong rbông sor dơi mpŏng mbra kơl pơk hvi rnoh neh tŏ, mât uĕh săk rnglăy n’glău Ia Mơr, rgop đăp mpăn tu dak an tuch tăm lŏ mir n’hanh ntrôl hun hao wăng sa-rêh jêng nkual mpeh bah lơ n’gor Gia Lai.