Lơ 12/10, ta nkual ƀon têh Buôn Ma Thuột, Viện Khoa học kỹ thuật, Nông lâm nghiệp Tây Nguyên, tâm rgop đah Ntŭk kan mĭn njêng Nông lâm lam ntur neh ta Việt Nam, N’gâng kan tuch tăm ndrel hun hao ƀon lan ăp n’gor Dak Lak, Dak Nông, Gia Lai ƀư nau rƀŭn lôch Bôk nau kan “N’hao nau nâp nâl, nau geh dơi ndrel rnoh geh văng sa bah ntrong kan tuch tăm ndrel trong geh jêng bah cà phê ndrel tiêu tâm nkuăl Tây Nguyên” năm 2023 (nau kan V-SCOPE). Bôk nau kan V-SCOPE geh ƀư ntơm khay 2/2021 tât 9/2024 tâm 3 n’gor Gia Lai, Dak Lak, Dak Nông, đah nau râng bah bơi tât 300 rnăk tăm cà phê ndrel tiêu.

Tâm rnôk tât, Bôk nau kan lŏ ƀư ăp nau rgum rƀŏng tât nau ntrơn rgâl n’hâm soan neh ndrel nkân njrăng nau bu tuh tă bah neh tâm ăp ntŭk mât tăm cà phê ndrel tiêu kŏ kơt lah mir yơng kon ntil; Nau kan tăm cà phê nâp nâl ndrel ntrong tăm leo nsĭt nau săk geh văng sa âk lơn, tâm di ma nau geh dơi êng êng, Rgâl ăp nau blau nau mhe mpeh ntŭk ntu âk ding ndrel nau kan ân geh pơk hvi nau tâm nchră ƀư nau kan bah n’gor./.