15 lô ndơ cà phê kah geh săch tă bah Nau tâm rlong Cà phê kah Việt Nam năm 2024 mra geh leo rlong tăch rnoh khlay tâm lơ 17/8 tât ta Hà Nội. Nau kan mra geh ƀư tâm ôi 17/8 tâm 498 Hoàng Quốc Việt, Phường Cổ Nhuế, Quận Bắc Từ Liêm, Hà Nội. Ăp lô cà phê kah geh rnoh tăch rnôk aơ lah ăp ntil cà phê kah geh săch tă bah rơh tâm rlong Cà phê kah Việt Nam 2024 (Vietnam Amazing Cup 2024). Tâm rnôk aơ, mra geh 9 lô cà phê Robusta ndrel 6 lô cà phê Araca leo tăch rnoh khlay.

Ăp ntŭk geh cà phê leo tăch mra leo tât nau mbơh êng tă bah ntŭk tăm, ntơm bah nau n’hao rnoh tăch bah cà phê Việt Nam rêng ăp kchok cà phê kah ngăn ân nŭih ngêt. Aơ lah tal 2 Dak Lak ƀư tâm rlong tăch ăp lô cà phê kah. Năm e (2024), rơh tăch cà phê geh rnoh bôk năp lŏ leo nsĭt nau dơi ueh. Rnoh tăch cà phê kah mra geh n’hao rlau 5-7 tŏ rđil đah rnoh cà phê êng, lah rjăp rnoh khlay têh bah cà phê kah Việt Nam./.