Lơ 26/9, ta nkual ƀon têh Đà Lạt, n’gor Lâm Đồng lĕ ƀư rgum nchră “Trong mkra mât njrăng ndơ moh êng ndơ lŏ mir Đà Lạt”. Nău mbơh ta rgum nchră an saơ, nău rlăm săk ndơ lŏ mir ndơ moh êng Đà Lạt geh tâm âk năm jŏ jong, ƀư khuch têh tât nkra njêng, tăch rgâl ndơ lŏ mir Đà Lạt lah êng n’hanh n’gor Lâm Đồng lah nsum.

Ta rgum nchră, âk nău rgop an lah, an ntrôl dăng trong kan nkoch trêng, mbơh rblang, tiăr nti pháp luật dŏng nău mĭn njêng êng, nău ƀư tơm khlay bah moh êng ndơ Đà Lạt, ntrôl dăng pa an mrô QR Code joi tu tơm ndơ lŏ mir moh êng Đà Lạt; uănh nđôi, kơp uănh ntŭk tăch, nkra rgâl ăp nău ƀư tăch rgâl ndơ lŏ mir nglăp tâm dak, ăp nău ƀư rlăm ndơ moh êng, đăp mpăn nău dơi nuĭh nkra njêng, nuĭh dŏng n’hanh nsing nơm bah ndơ lŏ mir Đà Lạt.