Ôi 9-10, nuĭh kan Chính phủ tă bah Bộ trưởng Bộ Văn hóa Thể thao n’hanh Pâl nđaih Nguyễn Văn Hùng ƀư tơm hŏ geh rơh pah kan pơk sŏng dăng đah 3 n’gor Dak Lak, Dak Nông, Lâm Đồng. Tĭng nău lư tâm nchră 9 khay aơ, nô nău ƀư njêng, tăch rgâl, ntuh kơl, rdâk njêng ntŭk ntô ndơ dŏng n’hanh tăch n’gluh n’glăp ta Dak Lak n’hanh Dak Nông hun ao đăp mpăn, âk rnoh tât hun hao rđĭl đah ndrel khay dja năm bah năp nơh. Êng Lâm Đồng rnoh ngăch hun hao wăng sa geh  nău mpơl mbrơi tay.

Lĕ 3 n’gor mâp jêr jŏt, kŏ kol da dê geh tât nău ntop kơl neh, ntop kơl jay gŭ an ƀon lan rnoi mpôl đê̆ tĭng bôk  nău kan gưl neh dak n’hanh nkô̆ nău ntrơn du ƀon lan mô tĭng trong nchrăp… Tĭng Bộ trưởng Nguyễn Văn Hùng, nău dơi geh tâm 9 khay aơ an saơ 3 n’gor Dak Lak, Dak Nông, Lâm Đồng hŏ geh âk nău nsrôih, lơn lah tâm  hun hao tuch tăm. Bộ trưởng Nguyễn Văn Hùng dăn đă 3 n’gor rgum  ăp trong nkra ƀư wat jêh ăp rnoh kan ndơ̆ luh năm 2024. Tâm nê,  ăp n’gor ân ntrôl ngăch n’gluh tơm  prăk ntuh kơl, wat jêh ăp ntŭk ƀư trong nchrăp ntuh kơl; uănh khlay lơn đŏng pah kan mât đăp mpăn rnă njrăng neh dak; mât ndray n’hanh ntik n’hao rnoh khlay mpeh văn hóa, nkre đah hun hao văn hóa nkre đah pâl nđaih.