Ôi 4/3 ta Hà Nội, Bộ Nông nghiệp n’hanh Phát triển nông thôn kan nsum đah Đại sứ quán Hoa Kỳ ta Việt Nam ƀư  tâm nchră “N’hao nău dơi tam dŏng pháp luật rdâng lơh tăch rgâl si mô geh nău way đah Việt Nam n’hanh Hoa Kỳ”.

Ăp nău nchrăp lor dăn đă ta rnôk tâm nchră hŏ ndrel nkoch n’hanh tâm nchră jru mpeh ăp nău nsrôih bah Việt Nam n’hanh Hoa Kỳ tâm nău n’hao  dăng mât kân nău kan lơh joi n’hanh tăch rgâl si mô geh nău way;  nsŏng kơl rdâk njêng trong nchrăp kan tâm let năp tay gay tĭng kơn ntrŭt ntrôl tâm boh tăch rgâl jru hvi lơn ma  nău njêng ăp rpaih nău tâm di dăng, mât rmoh rman tâm di n’hanh tĭng ƀư ăp trong njrăng n’gang lơh joi n’hanh tăch rgâl si mô geh nău way. Năm 2023, rnoh hvi neh bri bah Việt Nam geh 14,8 rkeh ha, tâm nê geh 10,1 rkeh ha bri krŏng n’hanh 4,65 ha bri tăm,  đah rnoh  âk nkŭm n’hâm bri 42%. Tơm si bah bri tăm,  tăm nchrai tâm dak tŏng nklăp  80% nău ŭch geh nkret njêng, tăch tâm dak  n’hanh tăch n’gluh.

Ƀư tâm 4 nar ntơm  bah 4 tât nar 7/3, ma ăp trong tâm nchră way tâng jru; tâm dâl pơk hvi; tâm nchră mbra mbơh kơl n’hanh tâm nkoch gĭt tât ăp ding geh tât nău lư mpeh mât dŏng si n’hanh ndơ geh ƀư bah si bah Việt Nam, Hoa Kỳ n’hanh Liên minh Châu Âu, rƀŏng tât hun hao  n’gâng kan si gle tâm di, jŏ jong tâm let năp tay./.