VOV4.Mnông – Tâm trôm khuh n’gôr rƀŏng tât nar rgum ƀon lan, ƀon lan lam dak mbra djôt ty n’ha phiếu gay săch nuĭh ntoh măt bah nơm ta Quốc hội n’hanh HĐND ăp gưl, đồng chí Vương Đình Huệ, Kruanh Quốc hội, Kruanh hội đồng săch ngih dak lĕ ơh nău ôp bah báo chí. Kruanh Quốc hội nkoch nău ŭch, nuĭh ƀon lan lam dak mĭn joi na nê̆ đah ăp nuĭh săch, gĭt blău săch ăp nuĭh ntoh lư ngăn ngên gĭt blău tâm di, rgop n’hao uĕh n’hanh săk rnglăy nău kan bah ăp ngih pah kan ƀon lan săch, ndâk njêng neh dak Việt Nam têh dăng, lôch uĕh ăp nău rƀŏng khlay ma Đảng he n’hluh an ta Nghị quyết Đại hội đại biểu lam dak rơh tal 13. Kruanh Quốc hội Vương Đình Huệ mĭn lah nar 23/5/2021 lah du nar dŭt khlay bah neh dak he, nar nuĭh ƀon lan lam dak ƀư tĭng nău dơi ƀư tơm, djôt n’ha phiếu gay săch nuĭh ntoh măt bah nơm. Nău săch bah nuĭh ƀon lan ntrŭnh nŭh dơi săch jêng nuĭh ntoh măt an Quốc hội, nuĭh ntoh măt HĐND ăp gưl, nkô̆ nău ntrŭnh uĕh, săk rnglăy nău bah bah ăp ngih pah kan ƀon lan săch.

Nuĭh rblang: Y Sưng Phê Ja