VOV4.M’nông: UBND n'gor Dak Lak geh si ƀŭt njuăl đă ăp nkuâl, thị xã, nkual ƀon têh rđău đă manh rlu ăp ntŭk kan tăch rgâl rhŏ dŏng (quán bar/club, vũ trường, bida, karaoke, khiêu vũ, rạp pơk phim, nkual pâl rlưn kon se...) ntơm bah nar 4-5-2021. Đah ăp ntŭk rhŏ dŏng êng ƀa ƀă dơi an pơk yơn ân tĭng ƀư jăp ăp trong njrăng n'gang nuh srê. Ăp nău kan rgum âk nuĭh (chroh rƀŭn, tâm nđăp nsao, liên hoan, sinh nhật, rgum nchră…) ân tĭng ƀư jăp nău mbơh njrăng lor 5K, mât uănh lhăt ăp nuĭh tât râng (lơn lah ăp nuĭh tât bah nkual geh nuh srê). Nuĭh ƀon lan tât bah ăp ntŭk dôl tĭng ƀư mpă wêl bah ăp n'gor, nkual ƀon têh (pơk uănh tĭng nău mbơh bah Bộ Y tế n'hanh UBND ăp n'gor) ân hăn tât nhih dak si dăch nê gay mbơh ngăch dăng n'hâm suan n'hanh tĭng ƀư jăp nău an gŭ rsang ngai êng ta jay tĭng di nău way./.

Nuĭh rblang: Điểu Thân