VOV4.M’nông – Ôi 16/11, ta Hà Nội, lĕ ƀư rƀŭn nchră Prăk kaih Việt Nam năm 2021 đah bôk nău “Trong mkra prăk kaih lvang 2021-2030 n’hanh ăp trong mkra rdâk hao, hun hao wăng sa Việt Nam”. Ntơm ƀư rƀŭn, Groi kruanh N’gâng kan prăk kaih Võ Thành Hưng lah rjăp, jêh bơi 10 năm ƀư tĭng trong mkra prăk kaih tât năm 2020, jâng tơm prăk kaih ngih dak lĕ geh rgâl na nê̆ n’hanh dơi geh âk săk rnglăy uĕh. Yơn lah, Việt Nam hôm e rdâng đah du đêt nău jêr kơt: Tâm pă tơm prăk jêr jŏt, lơn lah tâm rnôk chôt srê Covid-19; nău jêr hao an dŏng tơm prăk an ăp nău rƀŏng đăp mpăn nău rêh jêng, rnă njrăng bri dak,... Yor nê, Groi kruanh N’gâng kan Prăk kaih Võ Thành Hưng mpŏng ŭch, ăp dăn đă bah nuĭh way kan tâm dak n’hanh lam ntŭr neh mbra kơl ndâk njêng ăp trong mkra mhe ƀư tĭng trong mkra prăk kaih lam dak lvang 2021-2030, lôch jêh ăp trong mkra tơm prăk kơl rdâk hao, hun hao wăng sa Việt Nam tâm lvang êp tât.

            Nŭih blang: Y Sưng Phê Ja