VOV4.M’nông: Nar 30/07, Hội đồng Quốc phòng n'hanh An ninh neh dak Ukraina hŏ uănh an dŏng du trong kan têh jong tâm boh dak bah dih rƀŏng tât EU n'hanh NATO. Bộ trưởng Ngoại giao Ukraina Dmytri Kuleba an gĭt, Hội đồng An ninh n'hanh Quốc phòng bah dak dja hŏ uănh an dŏng du trong kan tâm boh dak bah dih, gay ntop kơl neh dak rƀŏng tât Liên minh châu Âu n'hanh NATO. Tĭng Bộ trưởng, lor bôk năp tâm 30 năm đăp mpăn, neh dak hŏ dơn geh du trong tor "kloh rvah, dơh wât n'hanh geh nkô̆ khlay" tâm boh dak bah dih. Si ƀŭt ntrŏng kloh njăr trong ŭch hăn tât bah trong kan tâm boh dak bah dih n'hanh rdâk njêng Ukraina lam ntŭr neh kơt du neh dak châu Âu dăng n'hanh geh nău nsing nơm. Si ƀŭt ntrŏng prao trong rƀŏng an ƀư lor bah trong kơl tâm boh dak bah dih đŏng. Rlău ma nê, trong kan nkoch mpeh nău mât đăp mpăn ƀư tơm n'hanh lam lĕ rngôch bah neh dak đŏng./.

Nuĭh rblang: Điểu Thân