VOV4.M’nông: Ôi lơ 13/7, rgop nau mpeh ăp nau nchrăp hun hao văng sa, rêh jêng, tơm prăk neh dak, nau nchrăp ân manh, trok prăk ndrel nchrăp ntuh kơl ân nau jong năm, 2021-2025, Uỷ ban Rnâng kan Quốc hội tâm ban nau đah nau kan bah Chính phủ mpeh nau dŏng tơm prăk rơh aơ ân nau nchrăp âk lơn rơh bah năp lah 3,7% GDP. Uỷ ban Rnâng kan Quốc hội ân lah: Rnôk aơ nau văng sa ê hao âk, nau hun hao ê đăp mpăn nau nâp. Nau khuch bah mih nar, lăp dak chiăt boh lơi nau khuch jâk. Ngăn lah, srê Covid-19, tĭng nau uănh ê geh lôch nau jêr, nau kol bah rmôt kan ndrel ƀon lan. Groi Kruanh Quốc hội Trần Thanh Mẫn đă gay uănh jru nâp lơn ăp nau tât geh khuch tât tơm prăk, nau dŏng tâm rơh rlau, ngăn lah khuch bah srê Covid-19. Ngăn lah nau trok dôih ndrel dŏng tơm prăk. Kŏ tâm ôi 13/7, Uỷ ban Rnâng kan Quốc hội rgop nau mpeh nau mbơh rgum, nau đă bah cử tri lam dak njoăl tât rơh rƀŭn bôk năp, Quốc hội gưl 15./.

Nŭih rblang: H’Thi