VOV4.M’nông: Tâm kêng măng 13/7, rgop nau mpeh nau ntrŭnh ntuh kơl Bôk nau kan neh dak ndâk njêng ƀon lan mhe lvang năm 2021-2025, Uỷ ban Rnâng kan Quốc hội tâm ban nau pă 30 rbăn rmen tơm prăk ntuh kơl jong năm ntrŭnh nau kan. Nau mhe bah Bôk nau kan lvang năm 2021-2025 nê lah: Ndâk nkô̆ nau kan bah neh dak mpeh nau ndâk njêng ƀon lan mhe ăp gưl (n’gor, nkuăl, xã) tĭng nau dơi (geh tŏng, n’hao lơn ndrel ueh mhe). Bôk nau kan nsôih geh đê̆ ngăn 80% rnoh xã bah lam dak geh nau dơi ƀon lan mhe, tâm nê geh nklăp 40% rnoh xã geh tŏng dơi ƀon lan mhe n’hao prêh, 10% rnoh xã geh tŏmng nau dơi ƀon lan mhe rnôk aơ, nsôih tât năm 2025 lam dak mô hôm xã tâm dâng 15% kan, bonh đă ăp nkuăl geh tŏng nau dơi nchrăp ndâk njêng ƀon lan mhe. Kruanh Quốc hội Vương Đình Hụê đă tâm ban tơm prăk bah neh dak Ndâk njêng ƀon lan mhe lvang năm 2021-2025, kơp n’ăp ma tơm prăk, nau kan, tơm prăk Ngih dak, Trung ương ndrel nkuăl, rgum âk ngăn ân nau kan./.

Nŭih rblang: H’Thi