VOV4.M’nông: Ân geh rgâl tay rơh rƀŭn bôk năp bah Quốc hội 15 tĭng nau n’huch mông mbơh, n’hao nau mbơh ăp nau tă geh uănh ân tâm di, gay ăp ntoh măt Quốc hội geh mông uănh ndrel rgop nau”. Aơ lah nau lah rjăp bah Quốc hội Vương Đình Huệ ta rơh rƀŭn mpeh nau nchrăp rơh rƀŭn bôk năp, Quốc hội gưl 15 yor Uỷ ban Rnâng kan Quốc hội ƀư tâm kêng măng 14/6, ta Hà Nội. Tĭng nau nchrăp, rơh rƀŭn tal bôk năp, Quốc hội gưl 15 geh nar rƀŭn lah 11,5 nar pah kan. Tâm nê, Quốc hội dŏng 5 nar ân nau kan mpeh rnoh nŭih, geh 4,5 nar gay ma uănh ăp nau mbơh ndrel du đê̆ nkô̆ nau êng ndrel 0,5 nar ân nau kan nchrăp, ntơm geh rƀŭn ndrel ma lôch tâm du nar ndrel geh nau nchrăp lah n’gul nar. Ta nar rƀŭn, ăp nŭih kan bah Uỷ ban Rnâng kan Quốc hội tâm ban đah rơh rƀŭn bôk năp, Quốc hội gưl 15 geh tâm lơ 20/7 tât. Yor aơ lah rơh rƀŭn geh âk ntrong kan mpeh kon nŭih, ân geh rƀŭn sŏng. Tâm nê, geh nklăp 500 ntoh măt. Ri ma, ăp nŭih kan đă nchrăp ân nau kan njrăng rdâng srê Covid-19 ân nâp. Kŏ tâm kêng măng 14/6 ăp nŭih bah Uỷ ban Rnâng kan Quốc hội hŏ rgop nau mpeh nau nchrăp Bôk nau kan uănh n’ôi bah Quốc hội, uỷ ban Rnâng kan Quốc hội năm 2022./.

Nŭih rblang: H’Thi