VOV4.Mnông – Tâm nchră tâm nău mbơh bah Chính phủ mpeh jêh ƀư ntêm nkrem, rchăng n’gang, mpŭng lir tâm năm 2020 ta rơh pah kan kêng măng 27/5, ăp nău rgop tâm Ủy ban Thường vụ Quốc hội kơp dơn nău nsrôih n’hanh geh âk săk rnglăy tâm năm 2020, ngăn lah tâm rnôk trôk nar, nuh srê. Bôl ndrĭ, âk nău mpeh ƀư ntêm nkrem, rchăng n’gang mpŭng lir dơi n’gluh an du trong rah wah.

Kruanh Quốc hội Vương Đình Huệ ntoh ngơi ta rơh rƀŭn

An rgop tâm nkô̆ nău aơ, Kruanh Quốc hội Vường Đình Huệ lah rjăp, ƀư tĭng ntêm nkrem, rchăng n’gang mpŭng lir lah nău ntrŭnh dŭt têh bah Đảng, dơi ƀư tĭng pháp luật, bah meng n’hao rchăng n’gang sa khâm. Yor nê, he geh n’ăp Luật rchăng n’gang rmoh rmanh n’hanh Luật ƀư tĭng ntêm nkrem, rchăng n’gang sa khâm, mô knŭng ntrŭnh ta nkual nsum ma n’ăp nkual ƀư êng. Nuih n’hâm ntĭm rđau bah Thủ tướng Chính phủ an kloh, rah wah, moh nău uĕh an rnê rhơn, ntŭk, n’gâng kan ƀư uĕh, ntrong kan uĕh an pơk hvi, ntŭk geh tih, mô rjăp an lah nduih, kỷ luật.

Nuĭh rblang: Y Sưng Phê Ja