VOV4.M’nông – Ngăn ngên rƀŏng tĭng nău kuăl jă bah Tổng Bí thư Nguyễn Phú Trọng n’hanh nău ntĭm rđău bah kruanh Đảng, Ngih dak, Ủy ban Trung ương MTTQ Việt Nam mhe ngăch ntop kơl 1,7 rkeh nklâm ndơ sa tâm ban đah rnoh prăk 51 rmen prăk bah tơm prăk dŏng wơt dơn kơl an njrăng, n’gang srê Covid-19 gay rgop đah ăp n’gor, nkual ƀon têh mpeh bah dâng dôl ƀư tâm nkhah kon nuĭh tĭng ntĭm đă 16 bah Thủ tướng Chính phủ. Rnoh prăk aơ mbra ntop kơl du nklâm ndơ tâm ban 30 rbăn prăk an 17 n’gor, nkual ƀon têh geh săk bah kơi aơ: Đồng Nai, Cần Thơ, Bình Phước, Tây Ninh, Bà Rịa-Vũng Tàu, Tiền Giang, Long An, Vĩnh Long, Đồng Tháp, Bến Tre, Hậu Giang, An Giang, Bạc Liêu, Sóc Trăng, Trà Vinh, Cà Mau, Kiên Giang. Ăp nklâm ndơ sa aơ mbra dơi ăp n’gor, nkual ƀon têh ntop kơl an ăp nuĭh mô lap, mâp jêr jŏt yor gŭ nkhah êng, gŭ tâm srang kon nuĭh ma mô geh nuĭh dơn geh nău kơl lĕ geh.

Nŭih rblang: Y Sưng Phê Ja