VOV4.M’nông: Ta năp nău tât krit nji bah nuh srê Covid-19, nar 29/7, bah rnoh prăk dơn geh, Ủy ban Trung ương Mặt trận Tổ quốc Việt Nam hŏ tâm pă 46 rmen prăk ntop kơl pah kan njrăng, n'gang nuh srê n'hanh prăk nkrem vaccine njrăng, n'gang nuh srê Covid-19. Na nê̆, Ủy ban Trung ương Mặt trận Tổ quốc Việt Nam tâm pă 23 rmen prăk bah tơm ndơ kơl bah Tập đoàn Panko tât Ủy ban MTTQ Việt Nam Nkual ƀon têh Hồ Chí Minh gay ntop kơl pah kan njrăng, n'gang nuh srê Covid-19 ta nkual ƀon têh Hồ Chí Minh; tâm pă tât Nhih dak si Nhi Trung ương 1,5 rmen prăk n'hanh Trung tâm Y tế Nkual ƀon têh Thuận An, n'gor Bình Dương 1,5 rmen prăk gay ăp đơn vị rvăt năp ndơ ntrŭp dŏng njrăng, n'gang nuh srê n'hanh ntop kơl an ăp y, bác sỹ nuĭh kan dak si râng săm nuĭh ntưp Covid-19. Nkre tâm pă 20 rmen prăk tât Prăk nkrem vaccine njrăng n'gang nuh srê Covid-19 tă bah Bộ Tài chính mât dŏng. Tât aƀaơ, rnoh prăk ma Ủy ban Trung ương Mặt trận Tổ quốc Việt Nam njuăl tât Prăk nkrem vaccine njrăng n'gang Covid-19 hao tât rlău 1 rbăn 043 rmen prăk./.

Nuĭh rblang: Điểu Thân