VOV4.M'nông:  Đah ăp nău dơi tam uĕh tâm rnôk rlong chuh, âk nău mpŏng vaccine Nano Covax njrăng n'gang Covid 19 lor bôk năp bah Việt Nam nchrăp mbra dơi pă an si ƀŭt n'gluh dŏng tâm rnôk nău tât jăch ndăn tâm  khay 9 năm aơ. vaccine Nano Covax tă bah Học viện Quân y ƀư njêng lôch rlău 2 tơ̆ rlong. Bah năp nê, rơh bôk năp rlong chuh tâm khay 12/2020 đah 560 nuĭh ŭch râng êng gay uănh năl ngăch dăng ta nuĭh, rơh tâl 2 ntơm bah khay 2 năm aơ rlong chuh đah 554 nuĭh ŭch râng êng gay uănh năl nău uĕh tam n'hanh uănh năl lor nău dơi chŏl đah kaman Sars- Covi 2. Lĕ 2 tơ̆ rlong an geh nău tam uĕh da dê. Tâm khay 6 dja ƀư rlong chuh tâl 3 vaccine Nano Covax đah rnoh âk 13.000 nuĭh n'hanh dŏng n'glai chuh dŭt jê̆ 25mcrogam. Nău ŭch bah rơh rlong tâl 3 gay uănh năl nău tam, nău jŏ tam mât njrăng săk suan bah vaccine tâm ntŭk gŭ lam nuĭh hŏ geh nuh srê ntưp rêng. Aƀaơ, Học viện quân y n'hanh ăp nhih pah kan geh tât dôl ndăn ngăch ăp njuat rlong ngăch. Lĕ rngôch ăp rêng ƀư tĭng lhăt nău đă, rnoh di dak bah dih da dê. Gay nsing kalơ nê, Bộ Y tế geh tŏng ntŭk nsing khoa học gay pă an dŏng ngăch, dŏng geh ndơ nkol vaccine Nano Covax ta dak he./.

Nuĭh rblang: Điểu Thân