VOV4.M’nông – Ôi 4/5, ta tach ndeh mpăr quốc tế Watay, thủ đô Viêng-chăn, lĕ ƀư an ndơ bah Đảng, Ngih dak n’hanh nuĭh ƀon lan Việt Nam ntop kơl Đảng, Ngih dak n’hanh nuĭh ƀon lan Lào rdâng đah srê Covid-19. Ntoh ngơi ta nar ƀư, Groi Kruanh n’gâng kan tâm rnglăp nchră nău Tô Anh Dũng mĭn lah Việt Nam hăn ndrel đah Lào n’hanh tâm nău rdâng srê Covid-19. Nsing nơm đah nău ntĭnh rđau uĕh n’hanh dŭt n’hâm bah Đảng, ngih dak n’hanh nău nsrôih, du nuih n’hâm bah ăp ngih pah kan dơi kan n’hanh nsum mpôl nuĭh ƀon lan, neh dak Lào oh nô mbra ơm uănh nđôi srê Covid-19, rdâk hao wăng sa-rêh jêng n’hanh hun hao nâp nâl. Groi Thủ tướng, Lào Kikeo Khaykhamphithun lah rjăp, Việt Nam lah dak bôk năp ntop kơl prăk, đă nuĭh way kan, njuăl an ndơ dak si ntop kơl an Lào rdâng đah rơh ntoh srê aơ. Aơ lah an nău nău ƀư uĕh bah tâm boh dăch dêh têh, nău rŏng khlay n’hanh kan ndrel lĕ rngôch đah 2 dak Lào-Việt Nam, Việt Nam-Lào.

Nuĭh rblang: Y Sưng Phê Ja