VOV4.M'nông: Nar 15/10, đah nău ƀư lah Kruanh Ủy ban bah Hội đồng Bảo an Liên Hợp Quốc (HĐBA LHQ) mpeh Nam Sudan, Đại sứ Đặng Đình Quý, Kruanh mpôl Rnâng kan Việt Nam ta Liên hợp quốc hŏ ƀư tơm rơh hop bah Ủy ban đah nău tât râng bah wa bu ur Virginia Gamba, Nuĭh ntơh măt mha êng bah Tổng Thư ký Liên hợp quốc mpeh kon se n'hanh tâm lơh tâm su. Lah đah nău ƀư gưl neh dak, Đại sứ Đặng Đình Quý rnê âk ăp nău hun hao uĕh mpeh chính trị- rnă njrăng ta Nam Sudan kơp ntơm bah rnôk Chính phủ ndơ̆ rgâl dơi njêng, lôch nê rgop nta trong dơh an nău mât njrăng ăp rmôt dơh geh tât khuch, tâm nê geh kon se. Đại sứ Đặng Đình Quý an lah nô nău kon se ta Nam Sudan hôm tâm rdâng đah âk ntul rlong n'hanh kuăl jă Chính phủ Nam Sudan n'hanh ăp ding geh tât ntrŭt ntrôl ngăch an ƀư bôk nău kan nsum đah Liên hợp quốc mpeh mât njrăng kon se./.

Nuĭh rblang: Điểu Thân