VOV4.M'nông: Hội đồng Bảo an Liên hợp quốc hŏ rgum hop mpeh nô nău ta Libya. Nô nău chính trị ta Libya dôl geh ăp nău tât duh jêr hô tâm rnôk ăp ding geh tât ta dak dja ƀư rơh bầu cử nar 24/12. Ta rơh hop, ăp dak lăp kan nsum Hội đồng bảo an kuăl jă ăp ding geh tât Libya nsrôih gay ƀư geh nău dơi rơh bầu cử Tổng thống n'hanh Nghị viện tĭng di mông nar hŏ ndơ̆ luh n'hanh tĭng ƀư ăp tŏng tay nău tâm ton rlu pănh. Lah ta rơh hop, Đại sứ Phạm Hải Anh, Groi kruanh mpôl đă hăn kan Việt Nam ta Liên hợp quốc, kuăl jă ăp ding geh tât ta Libya ntrŭt ntrôl ndơ̆ rgâl, ƀư rơh bầu cử geh nău dơi. Đại sứ nkah tay nău khlay bah nău tĭng ăp tŏng nău tâm ton rlu pănh n'hanh n'hao dăng ăp nău nsrôih nkra ntul rlong mpeh wăng sa n'hanh kơl nuĭh ta Libya, tâm nê geh ăp nău kan mât njrăng ƀon lan ngăn n'hanh n'hao âk ntĭm nti mpeh ăp rmoh rman geh tât bom mìn n'hanh ndơ rtoh hôm n'hơt tay lôch bah tâm lơh tâm su ta dak dja./.

Nuĭh rblang: Điểu Thân