VOV4.M’nông: Măng 26/5, ta Ngih kan Quốc hội, rmôt kan ntoh măt Quốc hội Việt Nam râng rƀŭn Đại hội đồng Liên minh Nghị viện Lam ntur neh tal 142 tĭng nau kan trực tuyến. Rmôt kan ntoh măt Quốc hội Việt Nam yor Uỷ viên Bộ chính trị, Groi Kruanh Rnâng kan Quốc hội Việt Nam Trần Thanh Mẫn ƀư Kruanh hŏ hăn râng tâm nchră đah nkô̆ “Rlet rlau srê nar aơ ndrel ndâk njêng du nau geh ueh lơn: Nau kan bah ăp Nghị viện”.

  Rmôt kan ntoh măt Quốc hội Việt Nam râng rƀŭn Đại hội đồng Liên minh Nghị viện Lam ntur neh tal 142 tĭng nau kan trực tuyến

  Râng tâm nchră, Groi Kruanh Rnâng kan Quốc hội Việt Nam Trần Thanh Mẫn mbơh: Đah nuih n’hâm “rdâng srê kơt rdâng phung rlăng”, Việt Nam hŏ pah kan rjăp, năn, rgum nau leo lăp kan bah lam ntrong kan chính trị, nau nsôih, tâm ban nuih n’hâm bah ƀon lan. Việt nam kŏ ƀư “bar nau kan” nkre rdâng srê, mât n’hâm soan bon lan, nkre ndâk, hun hao nau kan văng sa, đăp mpăn nau rêh jêng kon nŭih./.

Nŭih rblang: H’Thi