VOV4.M’nông: Tâm lơ 16/6, ndơn rnoh prăk 10 rmen tă bah Công ty TNHH Hysoung Việt Nam ndrel N’gâng kan ndâk nkra rnoh prăk du rmen, Bí thư Trung ương Đảng, Kruanh Uỷ ban Trung ương MTTQ Việt Nam Đỗ Văn Chiến mbơh: Tât rnôk aơ, rnoh prăk kơl an tâm tơm prăk rvăt vắc xin bah ăp ntŭk kan, rmôt kan, n’gâng kan ndrel nŭih geh nuih n’hâm lŏng hŏ hao tât rlau 5 rbăn rmen. Aơ lah nau rgop âk ngăn bah lam rnoi mpôl tâm nau kan rdâng srê. Ntoh măt rđau kan bah Rnâng kan Uỷ ban Trung ương MTTQ Việt Nam, wa Đỗ Văn Chiến njoăl nau lah ueh ngăn, jru nâp ngăn tât nau nsum ty kơl an bah nau kan njrăng, rdâng srê bah ăp gưl cán bộ, công chức, viên chức, nŭih pah kan ndrel ngăn lah nau nsum ty bah rmôt kan dak ba dih dôl pah kan tâm Việt Nam. Gay ƀư dơi nkô̆ nau vắc xin rlau 70% rnoh nŭih tâm năm 2021, ŭch geh rvăt 150 rkeh dĭng vắc xin njrăng rdâng srê Covid-19 đah nau ŭch prăk geh nklăp 25,2 rbăn rmen prăk./.

Nŭih rblang: H’Thi