VOV4.M'nông: Nar 29/9, rơh bầu cử Kruanh Đảng Dân chủ Tự do (LDP) mât bôk ta Nhật Bản hŏ dŭt jêh. Tâm rnoh 4 nuĭh dâk tâm rlong, nău dơi hŏ nkêng mpeh wa Fumio Kishida. Lôch dơi sơch du tơ̆ tay đŏng ta Quốc hội nchrăp ƀư tâm khay 10, wa Kishida hŏ jêng ngăn Thủ tướng tâl 100 bah Nhật Bản. Wa Kishida tâm rơh dâk tâm rlong hŏ sơch 3 nău ton n'hanh 3 trong kan ân dơi ƀư. Na nê̆, 3 nău ton lah: Djăt ăp tŏng nău rgop bah ƀon lan; jêng nău rêh uănh khlay nău mha êng n'hanh âk ntil; rƀŏng tât nău rêh tâm pă. Pe trong kan lah: Mbrôn suan tĭng ƀư nking nchăng nuh srê Covid-19; Rdâk njêng chủ nghĩa tư bản mhe geh rup săk Nhật Bản; trong kan đăp mpăn rnă njrăng tâm boh dak bah dih./.

Nuĭh rblang: Điểu Thân