VOV4.M’nông: Ôi ntri (24/6), ta rơh hop bôk năp, HĐND nkual ƀon têh Hồ Chí Minh khoá X, wa Nguyễn Thành Phong, Kruanh UBND nkual ƀon têh Hồ Chí Minh, năm kan 2016- 2021 hŏ geh nău dơi tay ƀư Kruanh UBND nkual ƀon têh Hồ Chí Minh năm kan 2021- 2026.

Ta rơh hop, wa Nguyễn Thị Lệ, Kruanh HĐND nkual ƀon têh Hồ Chí Minh khoá X hŏ răk si ƀŭt mbơh săk nuĭh gay sơch ƀư Kruanh UBND nkual ƀon têh khoá X năm kan 2021-2026 đah wa Nguyễn Thành Phong, Kruanh UBND nkual ƀon têh Hồ Chí Minh năm kan 2016- 2021. Đah nău dơi geh 77/86 phiếu ŭch, rnoh âk 89,5% nuĭh ntơh măt ŭch, wa Nguyễn Thành Phong hŏ geh nău dơi ƀư tay Kruanh UBND nkual ƀon têh Hồ Chí Minh năm kan 2021- 2026. Wa Nguyễn Thành Phong deh nar 18/7/1962, ta xã Tam Phước, nkuâl Châu Thành, n'gor Bến Tre. Păng lah Tiến sỹ Kinh tế học, chuyên ngành kế hoạch hoá kinh tế quốc dân, cao cấp Lý luận chính trị.

Nuĭh rblang: Điểu Thân