VOV4.M’nông – Ôi 23/11, nuĭh ntoh măt wa Võ Văn Thưởng, Ủy viên Bộ chính trị, Rnâng kan Ƀan Bí thư n’hanh mpôl ntoh măt Quốc hội nkual ƀon têh Đà Nẵng geh nar mâp nuĭh ƀon lan 5 quận Hải Châu, Thanh Khê, Sơn Hà, Ngũ Hành Sơn n’hanh Cẩm Lệ, nkual ƀon têh Đà Nẵng gay mbơh jêh rơh rƀŭn tal 3, Quốc hội khóa 15. Âk nău dơi nuĭh ƀon lan uănh tât nkoch nău rgop ta nar mâp nuĭh ƀon lan kơt trong kan njrăng n’gang sa khâm an ƀư dŭt n’hâm n’hanh dăng lơn; an n’hao trong ƀư, nău kơl an nuĭh pah kan way kan ta bah dâng. Trong kan njrăng n’gang srê Covid-19, nuĭh ƀon lan dăn đă mbơh ƀư ngăch ntop kơl, pơk hvi nuĭh geh khuch, ntop kơl đăp mpăn nău rêh jêng. Wa Võ Văn Thưởng, Rnâng kan Ƀan Bí thư mĭn lah: Trung ương, Bộ Chsinh trị uănh mĭn tât nău hun hao bah nkual ƀon têh Đà Nẵng. Tâm rnôk hun hao, đă đảng bộ, n’gâng kan ƀon lan nkual ƀon têh an nsrôih, geh trong mkra hun hao nâp nâl.

Nuĭh rblang: Y Sưng Phê Ja