VOV4.M’nông: Kêng măng 29/6, ta Nhih pah kan Trung ương Đảng, Mpôl ntơh măt Đảng he tă bah wa Võ Văn Thưởng, Rnâng kan Ban Bí thư leo hăn, hŏ râng tâm nchră nsưng rvoal pơk sŏng dăng đah ăp chính đảng Nga- ASEAN. Tâm nchră dơi tĭng ƀư kơt nău mĭn mhe bah Đảng dak Nga dơn ngoăy tâm năm 2021 lah năm nkah ndray 30 năm njêng tâm boh Nga- ASEAN, 25 năm tâm boh tâm nchră Nga- ASEAN. Ta rnôk tâm nchră, Kruanh rđău kan ăp chính đảng tâm nkoch nău mĭn n'hanh nău khlay ndrel rdâk rnă njrăng n'hanh tâm boh ta nkual châu Á-Thái Bình Dương. Ăp nuĭh ntơh măt mpơl nău uănh khlay tâm boh đah Nga- ASEAN, tâm ban ŭch ntrôl dăng tâm boh tâm ăp trong kan mât njrăng ntŭk gŭ rêh n'hanh hun hao jŏ jong, rnă njrăng nău lư dak bah dih, rnă ntêm tŏng ăp ndơ sa. Ăp dĭng tâm ban ŭch mpeh nău khlay n'hao dăng tâm boh rgop âk đảng lam ntŭr neh gay ƀư jru hvi lơn tâm boh chính trị, wăng sa n'hanh rêh jêng kon nuĭh đah Liên bang Nga n'hanh ăp dak ASEAN; ŭch ntrŭt ntrôl ăp nău nsrôih nsum gay rlău dơi ăp nău ntul rlong lam ntŭr neh n'hanh nkra ăp nkô̆ nău tâm nkual./.

Nuĭh rblang: Điểu Thân